सोलुखुम्बुमा खाद्यवस्तुको नयाँ दररेट निर्धारण 

भदौ २६, सोलुखुम्बु ।  उद्योग वाणिज्य सङ्घ सोलुखुम्बुले जिल्लाको खाद्य वस्तुको नयाँ दररेट कायम गरेको छ । उद्योग वाणिज्य सङ्घ सोलुखुम्बुका अध्यक्ष रामलाल श्रेष्ठको नेतृत्वमा गत भाद्र २४ गते बसेको बैठकले जिल्लामा बिक्रीवितरण हुने खाद्यवस्तु तथा मासुजन्य बस्तुको नयाँ मूल्य निर्धारण गरेको हो ।

नयाँ मूल्य अनुसार अव खसिको मासु ९ सय देखी १ हजार रुपैयाँ कायम भएको छ ।  यस्तै ब्रोइलरको मासु ५ सय, प्यारेट ६ सय, राँगाको फल मासु ५ सय ५० रुपैयाँ, राँगाको मिक्स मासु ४ सय ५० रुपैयाँ र सुँगुरको मासु ४ सय ९५ रुपैयाँ प्रतिकेजी बिक्रीवितरण गर्नेगरी दररेट निर्धारण भएको छ ।

यस्तै सङ्घले ५६ प्रकारका विभिन्न खाद्यवस्तुको पनि दररेट निर्धारण गरेको छ । निर्धारण गरिएको दररेट अनुसारै ग्राहकलाई बिक्री वितरण गर्नुपर्ने भन्दै दररेट भन्दा बाहिर रहेर बिक्री वितरण गर्न नपाइने सङ्घले जनाएको छ । समायानुकुल दररेट फेरबदल हुन सक्ने पनि जनाइएको छ ।
नयाँ दररेट तल हेर्नुहोस……