“हिमालयन सांगीतिक धमाका” २०२४ कार्यक्रमको तयारी पूरा

भदौ २७, सोलुखुम्बु । “हिमालयन सांगीतिक धमाका” २०२४ कार्यक्रमको तयारी पूरा भएको छ । विपत व्यवस्थापन तथा आपतकालीन राहत कोष स्थापनार्थ शेर्पा संघ दक्षिण कोरियाले कोरियाली चाड छुसकको अबसरमा आयोजना गर्न लागेको “हिमालयन सांगीतिक धमाका” २०२४ कार्यक्रमको तयारी पूरा भएको हो ।

२०२४ सेप्टेम्बर १७ तारिख दक्षिण कोरियाको राजधानी सोलमा आयोजना गरिने भएको जनाइएको छ । सेप्टेम्बर १७ तारिख दिउँसो २ बजेबाट हुने उक्त कार्यक्रमको प्रवेश शुल्क ३५ हजार कोरियन वन तोकिएको छ, भने कार्यक्रम स्थलसम्म पुग्नका लागि दोङ्देमुनबाट यातायातको समेत व्यवस्था गरिएको छ ।

नेपाल आदिवासी जनजाति महासंघ दक्षिण कोरिया समन्वयमा हुने हिमालयन साङ्गीतिक धमाका २०२४ कार्यक्रमलाई भव्य र सभ्य रुपमा सम्पन्न गर्नका लागि दक्षिण कोरियामा रहनुहुने सम्पूर्ण नेपालीलाई शेर्पा संघ दक्षिण कोरियाले सहभागिताका लागि आमन्त्रण समेत गरेको छ ।

नेपालका चर्चित कलाकारहरू निमा रुम्बा, अस्मिता अधिकारी, मिङ्मा शेर्पा, गिटारिस्ट सुनिल शाक्य, डिजे एपि तेन्जिङ शेर्पा, लगायत स्थानीय कलाकारहरूको बेजोड प्रस्तुति रहने कार्यक्रम संयोजक थुतुङ गेल्जे शेर्पाले जानकारी दिनुभयो ।