पिके सोलुखुम्बु टाप्टिङ सेवा समाजले राख्यो, माने निर्माण कार्यमा सहयोग गर्ने सहयोगीहरुको नाम अभिलेखमा

भदौ २६, सोलुखुम्बु । पिके सोलुखुम्बू टाप्टिङ सेवा समाज काठमाडौंले माने निर्माण कार्यमा सहयोग गर्ने सहयोगीहरुको नाम अभिलेखमा राखेको छ । सोलुखुम्बुको सोलुदुधकुण्ड नगरपालिका वडा नंम्बर १० मा माने निर्माणमा सहयोग गर्नेहरुको नाम समाजले अभिलेखमा राखेको हो ।

धार्मिक सम्पदाको संरक्षण गर्ने उदेश्यले भत्किएका १६ वटा मानेहरु पुनः निर्माणका लागि सहयोग संकलन गरिएको थियो । माने निर्माण कार्यमा सहयोग गर्नु हुने ६ जना गाउँ संयोजकहरूलाई कदर पत्र प्रदान गरि सम्मान गरिएको पिके सोलुखुम्बू टाप्टिङ सेवा समाजका अध्यक्ष ङवाङ फुरी शेर्पाले जानकारी दिनुभयो ।

प्रतिकुल मौसम, भौगोलिक विकटता र विभिन्न कठिनाईका बवाजुत पनि पिके सोलुखुम्बु टाप्टीङ समाज सेवाले १६ वाट भत्किएको माने पुनः निर्माण तथा मर्मत सम्भार गर्न पाउँदा हर्षित भएको अध्यक्ष ङवाङ फुरी शेर्पाको भनाई छ ।

बौद्ध धर्मावलम्बीहरुको आस्थाको प्रतिक, सांस्कृतिक तथा पर्यटकीय महत्व बोकेको माने पर्खालहरुको अवस्था जीर्ण अवस्थामा रहेकाले पिके टाप्टिङ समाज सेवा संस्थाको अगुवाइमा मर्मत गरिएको हो ।

पू्र्खाहरुले पुण्य आर्जन गर्ने बौद्ध दर्शनको प्रवर्धनका लागि निर्माण गरिएका मानेहरुको संरक्षण नहुँदा भत्किने माटोले पुरिएर लोप हुदै गएको अवस्थालाई ध्यानमा राख्दै पूर्खाको सम्मान र इतिहास रक्षाका लागि माने पुनः निर्माण गरिएको हो ।

माने पुन निर्माण तथा मर्मात सम्भार कार्यमा देश तथा बिदेशबाट आर्थिक सहयोग गर्नु हुने सम्पुर्ण सहयोगी मनहरू लाई पिके सोलुखुम्बु टाप्टीङ समाज सेवाले धन्यवाद व्यक्त गरेको छ । साथै आगामी दिनहरुमा पनि यस सस्थाले गर्ने बिशुद्ध सामाजिक कार्यमा यस्तै साथ र सहयोग को अपेक्षा गरेको छ ।