रीड नेपालले दियाे साेताङ्ग र महाकुलुङका शिक्षकलाइ तालिम

भदौ २७, सोलुखुम्बु ।  ग्रामीण शिक्षा तथा वाताबरण विकास केन्द्र रीड नेपालको आयोजनामा सोलुखुम्बुका २ पालिकाका शिक्षकहरूलाई एकैपटक तालिम सञ्चालन भएकाे छ ।  केन्द्रको आयोजना तथा जिल्लाका सोताङ र महाकुलुङ गाउँ पालिकाको समन्वयमा लैङ्गिक संवेदनशील, अपाङ्गता मैत्री विद्यालय निर्माण तालिम महाकुलुङमा तालिम सुरु भएको हो । महाकुलुङका ७ र सोताङका ९ विद्यालयका प्रधानाध्यापक सहित विभिन्न विद्यालयका लैङ्गिक शिक्षक र स्थानीय ३ श्रोत शिक्षक गरि जम्मा ३५ जनाको सहभागीतामा तालिमको सुरुवात भएको रीड नेपालले जनाएको छ । 

गाउँपालिकामा तालिमको सुरुवात गर्दै महाकुलुङ गाउँपालिका अध्यक्ष सुर्य बहादुर कुलुङले रीड नेपालले समयसमयमा आयोजना गर्ने तालिमहरूले गाउँपालिकाको शिक्षा क्षेत्रमा महत्वपूर्ण योगदान पु¥याएको बताउनुभयो । उहाँले  वर्तमान परिप्रेक्ष्यको समाज अनुकुल शिक्षामा परिवर्तन गर्दै शिक्षा क्षेत्रलाई परिष्कृत गर्न रीड नेपालको महत्वपूर्ण हात रहेको बताउनुभयो । उहाँले आगामी दिनमा पनि गाउँपालिकामा यस्ता किसिमका तालिमको आवश्यकता रहेको बताउनुभयो ।

यसैबीच उहाँले आगामी ६ वर्ष भित्र अर्थात सन् २०३० भित्र हरेक पालिका बालमैत्री बनाउनुपर्ने बताउँदै यो लक्ष हासिल गर्न जिल्लाका हरेक विद्यालयका प्रधानाध्यापक तथा शिक्षकहरु पूर्ण रुपमा जिम्मेवार भएर लाग्नुपर्ने उल्लेख गर्दै सो अनुरूप गर्न गर्नुभयो ।  दुई दिने तालिमको सहजीकरण  रीड नेपालका  सेफ गार्ड अफिसर लक्ष्मी श्रेष्ठले  गर्नु भएको छ  उद्घाटन सत्र कार्यक्रम शिक्षा विकास अधिकृत अर्पण रेग्मीले सञ्चालन गर्नुभएको थियो । 

उद्‌घाटन सत्रमा स्वागत मन्तव्य राख्दै गाउँपालिकाका सामाजिक विकास संयोजक पर्खिधन राईले आउँदो दिनमा लैङ्गिक संवेदनशील, अपाङ्गता मैत्री विद्यालय अनिवार्य आवश्यकता भएको कुरा सर्वस्वीकार्य भए तापनि चुनौतीपूर्ण रहेको कुरा उल्लेख गर्नुभएको छ ।
यस्तै उद्‌घाटन सत्रमा बोल्दै उपाध्यक्ष विपना कुलुङले सुरक्षित विद्यालय वातावरण निर्माण तथा समावेशी शिक्षाको महत्व उजागर गर्दै तालिममा सिकेका सीपहरू विद्यालयमा पुर्याउन चुनौती रहेको जिकिर गर्नुभएको छ ।