थामियाे भारि वर्षात्, केही दिन सम्म हल्का पानी पर्ने

भदाै ३० साेलुखुम्बु ।  केही दिनदेखिको भीषण वर्षा थामिएको छ। तर, हल्कादेखि मध्यम वर्षा भने कायमै रहने मौसम पूर्वानुमान महाशाखाले जनाएको छ । महाशाखाका अनुसार भारतको मध्य प्रदेशमा विकसित भएको न्यून चापीय प्रणाली कमजोर बनेसँगै नेपालमा भीषण वर्षा थामिएको हो ।  तर,पश्चिम बंगाल र आसपास रहेको न्यूनचापिय प्रणालीको आंशिक प्रभावका कारण हल्कादेखि मध्यम वर्षा भइरहेको छ। त्यसमा मनसुनी गतिविधि पनि कायमै छ।

आइतबार बिहान कोशी, मधेश, बागमती र गण्डकी प्रदेशमा आंशिकदेखि साधारणतया बदली छ। केही ठाउँमा हल्का वर्षा भइरहेको छ । दिउँसो पनि देशभर आंशिकदेखि साधारणतया बदली रहने आकलन छ। कोशी, मधेश, बागमती र गण्डकीका केही तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना छ। कोशी, बागमती र गण्डकीका एक–दुई स्थानमा भारी वर्षाको चेतावनी दिइएको छ।

कोशी प्रदेशको तराई भूभागको थोरै स्थानमा हावाहुरीको समेत सम्भावना छ। राति कोशीका केही, बागमती र गण्डकी प्रदेशका थोरै तथा बाँकी प्रदेशका एक–दुई स्थानमा हल्कादेखि मध्यम वर्षाको सम्भावना छ। कोशी प्रदेशका एक–दुई स्थानमा भारी वर्षाको आकलन गरिएको छ।