संविधान दिवस : गुप्तकालिका देवी मन्दिर सरसफाई

असोज २, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ६ मा संविधान दिवसको अवसरमा उदाहरणीय काम गरेर मनाईएको छ । बुधवार दोर्पू स्थित गुप्तकालिका देवी मन्दिर परिसरमा सरसफाई गरी संविधान दिवस मनाईएको हो ।

नेपालीहरुले ठूलो संघर्ष एवम् त्याग गरेर प्राप्त गरेको महत्वपूर्ण उपलब्धि संविधान भएको बताउँदै नगर प्रवक्ता एवंम वडा नम्बर ६ का वडाध्यक्ष फुर्वा ग्याल्जेन शेर्पाले सो अवसरमा सरसफाई कार्यक्रम गरेकोे बताउनुभयो ।

वडाध्यक्ष शेर्पाले वातावरण स्वच्छताले मात्र मानव जातिको रक्षा हुने भएकाले यस्ता कार्यक्रमको आयोजनाले वातावरण प्रदुषणलाई न्युनीकरण गर्न थप मद्दत पुग्ने विश्वास व्यक्त गर्नुभयो । हराभरा वडा बनाउन वडाभित्रका संरचनाको संरक्षण गर्नुपर्ने आवश्यकता औल्याउँदै वातारणीय सरसफाईलाई वडाले विशेष जोड दिएको बताउनुभयो ।

सुन्दर वडा निर्माणका लागी आफु प्रतिवद्ध रहेको बताउँदै वडाध्यक्ष शेर्पाले यसका लागी आगामी दिनमा थप कार्यक्रम गरिने प्रतिवद्धता जनाउनुभएको छ । सरसफाई कार्यक्रममा सोलुुखुम्बुका प्रमुख जिल्ला अधिकारी देवी पाण्डे९खत्री०,डिएसपी द्वारिका प्रसाद घिमिरे, सोलुदुधकुण्ड नगरपालिका उपप्रमुख गान्धी माया तामाङ र नगरपालिका प्रशासकीय अधिकृत कोपिला राईका उपस्थित रहेको थियो ।

यस्तै जिल्ला सरकारी वकिल कार्यालयका जिल्ला न्याधिवक्ता वुद्धिलाल श्रेष्ठ, फाप्लुका वडा अध्यक्ष युवास तामाङ, मन्दिर व्यवस्थापन समिति र जिल्ला प्रहरी कार्यालय सोलुखुम्बुबाट खटिएको प्रहरी टोली लगायत स्थानियवासीहरु समेतको संयुक्त उपस्थितिमा मन्दिर सरसफाइ गरिएको हो ।