गार्मामा पहिलो जिल्लाब्यापि वडा स्तरीय भलिबल प्रतियोगिता शुरु, २५ टिम सहभागि

असोज ३, सोलुखुम्बु । हिमाली जिल्ला सोलुखुम्बुको सोलुदुधकुण्ड नगपालिका ७ गार्मामा जिल्ला व्यापी वडा स्तरीय प्रथम वडा अध्यक्ष पुरुष भलिबल रनिङ शिल्ड प्रतियोगिता शुरु भएको छ । ७ नम्बर वडा कार्यालय गार्माको आयोजनामा साताब्यापि रनिङ शिल्ड प्रतियोगता शुरु भएको हो । गार्मा माविमा शुरु प्रतियोगिताको नगरपालिकाका मेयर नाम्गेलजाङ्बु शेर्पाले उद्घाटन गर्नु भएको छ ।

२५ टिम सहभागि प्रतियोगिताको उद्घाटन गर्दै मेयर शेर्पाले खेलकुद प्रतियोगिताले युवाको शारिरिक र मानसिक तन्दुरुस्तिका लागि लागि खेल महत्वपूर्ण हुने बताउनु भयो । कार्यक्रममा नगरपालिकाका उपमेयर गान्धिमाया तामाङले यस्ता खाले प्रतियोगिताले राष्ट्रिय स्तरमा जिल्लाको खेल क्षेत्रको पहिचान राख्न सघाउ पु¥याउने धारणा राख्नु भयो । त्यस्तै प्रमुख जिल्ला अधिकारी देवी खत्री पाण्डेले खेलकुदले अनुशासित बनाउन प्रेरणा दिने उल्लेख गर्नु भयो ।

साथै वहाँले पछिल्लो समय जिल्लामा शान्ति सुरक्षाको अवस्था निकै मजबुद रहेको स्पष्ट पार्नु भयो । कार्यक्रमका सभापति तथा ७ नम्बर वडा अध्यक्ष सोनाम ग्याल्जेन शेर्पाले जिल्लामै पहिलो पटक ठूलो धनराशीको अध्यक्षकप रनिङशिल्ड शुरु गर्न पाउँदा खुशि लागेको भन्दै खेलाडीलाई प्रतिभा प्रदर्शन गर्ने सुवर्ण अवसर रहेको बताउनु भयो । प्रतियोगितामा प्रथम, द्वितिय, तृतिय र सान्तवना हुने टिमलाई क्रमशः १ लाख १ हजार १ सय, ७५ हजार १ सय, ५० हजार १ सय र २५ हजार १ सयको साथमा ट्रफि मेडल प्रमाणपत्र प्रदान गरिने छ ।

यस्तै, सर्वोकृष्ट खेलाडीलाई ५ हजार, उत्कृष्ट स्पाईकर, उत्कृष्ट सेटर, उत्कृष्ट ब्लकर, उत्कृष्ट डिफेन्डर, उत्कृष्ट सर्भर, नव उदयमान खेलाडीलाई जनही २ हजारको साथमा ट्रफि प्रमाणपत्र प्रदान गरिने वडा अध्यक्ष शेर्पाले बताउनु भयो ।