विपद् व्यवस्थापनमा उत्कृष्ट काम गर्ने सोलुका दुई प्रहरी पुरस्कृत

असोज ४, सोलुखुम्बु । हिमाली जिल्ला सोलुुखुम्बुमा विपद् व्यवस्थापनमा उत्कृष्ट काम गर्ने सोलुका दुई प्रहरीलाई पुरस्कृत गरिएको छ । पुरस्कृत हुनेमा अस्थायी प्रहरी चौकी रमितेका प्रहरी सहायक निरीक्षक दिपक खत्री र जिल्ला प्रहरी कार्यालयमा कार्यरत प्रहरी जवान नुम बहादुर रेश्मी मगरलाई पुरस्कृत गरिएको हो ।

शुक्रबार जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्धारीका प्रसाद घिमिरेले पुरस्कृत गर्नुभएको जनाइएको छ । प्रहरी सहायक निरीक्षक खत्रीले सिस्नेरी पहिरो सहितका क्षेत्रमा सवारी सुचारु गराउन प्रभाकारी रुपमा समन्वय गरी काम गरेकाले गर्नुभएको थियो ।

विभागीय मुल्यमान्यता, आदेश–निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्यपथमा तल्लीन रही उच्च मनोबल र साहसका साथमा काम गरेकाले पुरस्कृत गरिएको जिल्ला प्रहरी कार्यालयले जनाएको छ ।

साथै जिल्लाको शान्ति सु–व्यवस्था कायम गर्न र विपद् व्यवस्थापनको कार्यमा प्रभावकारी एवं प्रशंसनीय भूमिका निभाएको भन्दै दुवै जनालाई बधाई एंवम् आगमी दिनहरुमा थप सफलताको शुभकामना समेत दिनुभयो ।