टाक्सिन्दुका सेवाग्राहीले वडामै पाए सा.सु भत्ता ।

बैशाख २३, सोलुखुम्बु । सोलुखुम्बुको सोलुदूधकुण्ड नगरपालिका वडा नम्बर १ टाक्सिन्धुका झण्डै २ सय जनालाई वडामै गएर सामाजिक सुरक्षा भत्ता (सा.सु) वितरण गरिएको छ । शनिवार राष्ट्रिय वाणिज्य बैंक सल्लेरी शाखाले वडामै गएर त्यहाँका १ सय ८० जना सेवाग्राहीलाई वडामै गएर सामाजिक सुरक्षा भत्ता वितरण गरेको हो । वडामा रहेका २ सय ६७० जना सामाजिक सुरक्षा भत्ताका लाभग्राही मध्ये १ सय ८० जनाको हाराहारीमा शनिवार वितरण गरिएको र बाँकी सेवाग्राही हरुले भत्ता लि सकेको वडा अध्यक्ष छोङ्वा शेर्पाले बताउनुभयो ।

भौगोलिक हिसावले टाढा रहेको वडाबाट सदरमुकाम आएर सामाजिक सुरक्षा भत्ता लिन कठिनाइ भएका कारण सेवाग्राहीलाई वडामै बैंकका कर्मचारी बोलाएर भत्ता वितरण गरिएको वडा छोङ्वा शेर्पाले बताउनुभयो । शनिवार वडाका टाक्सिन्दु, रिङ्मु र वडा कार्यालय गरि ३ ठाउँमा सामाजिक सुरक्षा भत्ता वितरण गरिएको हो । भौगोलिक हिसावले सदरमुकाम भन्दा टाढा रहेको वडाबाट भत्ता लिन सल्लेरी धाउनु पर्दा आधि भत्ता आउजाउमै सकिने भएकाले बैंकका कर्मचारीनै वडामा झिकाएर यहि वितरण गरेपछि सेवाग्राहीलाई समेत सहज भएको अध्यक्ष शेर्पाले बताउनुभयो ।

भत्ता लिन जानकै लागी २ दिन खर्चिनुपर्नेमा वडा भत्ता आउदा घरमै भत्ता पाएको महशुस भएको एक सेवाग्राही बताउँछन । यस्तै वडाले सामाजिक सुरक्षा भत्ता लिन सेवाग्राहीलाई सहज होस भन्नका लागी शाखा रहित बैंकको स्थापनका लागी छलफल गरिरहेको पनि अध्यक्ष शेर्पाले सुनाउनुभयो । उहाँले निकासा भएको भत्ता लिनका लागी शाखारहित बैंकको स्थापना गर्न पहल भइ रहेकोमा चाँडै निष्कर्षमा पुगिने पनि जिकिर गर्नुभयो ।