शेर्पा संघ जापानको केन्द्रीय महाधिवेशन अक्टोबर २० मा हुदैँ

असोज ११, सोलुखुम्बु । शेर्पा संघ जापानको केन्द्रीय महाधिवेशन आगामी अक्टोबर २० तारिखमा हुने भएको छ । जापानमा रहेका शेर्पा समुदाय, आदिवासीजनजाति महासंघ एनआरएन, बिभिन्न नेपाली संघ संस्थाका पदाधिकारीहरुको उपस्थितिमा टोकियोमा महाधिवेशन हुने भएको हो ।

आफ्नो २ बर्षे कार्यकालमा बढी समाजिक कार्यहरू गर्न सफल भएको विभिन्न गुम्बालाई आर्थिक सहयोग उपलब्ध गराएको शेर्पा समुदायको विभिन्न पर्व मध्येका एक महत्वपूर्ण फाङगी परम्परागत रुपमा शेर्पा संघ जापानले वार्षिक रुपमा मनाउदै आएको शेर्पा संघ जापानका अध्यक्ष सोनाम शेर्पाले जानकारी दिनुभयो ।

उक्त कार्यक्रममा नेपालबाट राष्ट्रिय कलाकारहरुलाई आमन्त्रण गरि जापानमा बृहत साँस्कृतिक कार्यक्रमका गरिने भएको छ । यस्तै महाधिवेशनमा समाजका कार्यहरूको प्रगति बिवरण सहितको प्रतिवेदन संगै आर्थिक प्रतिवेदनलाई पनि एकरूपता रूपमा प्रस्तुत गर्ने बताउनुभएको छ ।

महाधिवेशनमा एकल जातीय संघ संस्था र जापानमा क्रियशिल अन्य संघसंस्थाका अध्यक्ष तथा प्रतिनिधिहरुको सहभागीताका लागि पत्रचार गर्ने तयारी भइरहेको संघले जनाएको छ । शेर्पा संघ जापानको प्रत्येक कार्यकाल २ बर्षको हुने र एक कार्यकाल गरी सकेको व्यक्ति पुर्ण अर्को कार्यकाल दोहोरिन नपाउने समेत संघको संशोधन बिधानमा उल्लेखक गरिएको छ ।

महाधिवेशन जापान टोकियो सिनओकुबो रोयल गार्डन रेस्टुरेन्टमा १२ बजे बाट बेलुका ४ बजे सम्म हुने बताईएको छ । शेर्पा संघ जापान, जापानको कानुन अनुसार दर्ता भएको जेठो नेपाली संस्था हो।जापानबासी नेपाली समुदायलाई आपत विपदमा आर्थिक तथा भौतिक रुपमा बिभिन्न सहयोगहरु गर्दै आएको छ ।