पर्यटकीय सिजन सुरु भएपछि हिमाली क्षेत्रको अवस्था बुझ्न प्रहरीको गस्ती 

असोज ११, सोलुखुम्बु ।  पर्यटकीय सिजन सुरु भएसँगै माथिल्लो हिमाली क्षेत्रमा प्रहरीले लामो दुरीको गस्ती गरेको छ । जिल्ला प्रहरी कार्यालय सोलुखुम्बुको निर्देशनमा इलाका प्रहरी कार्यालय नाम्चे र खुम्जुङबाट ५ जनाको टोली पर्यटकीय क्षेत्रको निरीक्षणका लागी लामो दुरीको गस्ती गएको हो ।

 नाम्चेबाट गत असोज ७ गते गस्तीमा निस्कको प्रहरी टोली खुम्जुङ, सनासा हुँदै समुन्द्र सतहबाट ५ हजार ४ सय मिटर उचाइमा रहेको गोक्यो ताल सम्मको बस्तुस्थीतिको निरीक्षणमा पुगेको जनाइएको छ ।  प्रहरीको नियमित कार्यतालिका अनुसार गस्तीमा निस्किएको भएतापति सम्भवत हाल सम्मकै सबैभन्दा बढी उचाइमा पहरीले यो पटक गस्ती गरेको जिल्ला प्रहरी कार्यालय सोलुखुम्बुका डीएसपी द्वारीका प्रसाद घिमिरेले बताउनुभयो  ।  

पर्यटकीय सिजन सुरु भएकाले हिमाली क्षेत्रमा पर्यटकहरूको अवस्था, प्राकृतिक विपत्तिका कारण भएका क्षति र माथिल्लो हिमाली क्षेत्रका नागरिकहरूको अवस्था बुझ्न प्रहरी त्यहाँ पुगेको घिमिरेले बताउनुभयो ।  गस्तीका लागी गत ७ गते निस्कीएको प्रहरी टोली गस्तीगरिएको क्षेत्रको अवस्था हाललाई सामान्य भएको निष्कर्ष सहित विहीबार इलाका प्रहरी कार्यालय नाम्चे फिर्ता भएको उहाँको भनाई छ ।

 यस्तै प्रहरीले जिल्लाका विभिन्न प्रहरी इकाइहरुबाट नागरिकको सुरक्षा अवस्था बुझ्नका लागी नियमित गस्ती गर्ने पनि उहाँले बताउनुभयो   ।