साल्मेका पहिरो पीडित २ परिवारलाई नगर र प्रशासनको राहत 

असाेज  १२, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ६ साल्मे बस्तीका २ घर लाई सोलुदुधकुण्ड नगरपालिका र जिल्ला प्रशासन कार्यालय सोलुखुम्बुले राहत उपलब्ध गराएका छन् ।  

पहिरोको जोखिममा रहेका २ घर परिवारलाई वैकल्पिक स्थानमा सारी उनीहरूको खाना तथा बासका लागी जिल्ला प्रहरी आवश्यक राहत सामाग्री वितरण गरिएको हो । ६० घण्टा देखीको निरन्तरको झरी पछि पहिरोबाट विस्थापित भएका परिवारका लागी सोलुदुधकुण्ड नगरपालिका र जिल्ला प्रशासन कार्यालय सोलुखुम्बुबाट प्राप्त राहत सामाग्री वितरण गरिएको जिल्ला प्रहरी कार्यालय सोलुखुम्बुका प्रमुख डीएसपी द्वारीका प्रसाद घिमिरेले बताउनुभयो ।  

राहत वितरणका लागी सोलुदुधकुण्ड नगरपालिकाका मेयर नाम्गेल जाङ्बु शेर्पा, नगर प्रवक्ता फुर्वा शेर्पा,  जिल्ला प्रहरी कार्यालयका प्रमुख घिमिरे सहितको प्रहरी टोली  साल्मे पुगेको थियो ।