सोलु प्रहरीको सकृयता ः उद्धार, राहत देखी, सडक खुलाउने सम्म  

असोज १२, सोलुखुम्बु ।  ३ दिन लगातार परेको झरीले सोलुखुम्बुका कयौँ स्थानमा बाढी पहिरोले वितण्डा मच्चाएको छ । एकै दिन ५ जनाको ज्यान गएको छ भने धेरै स्थानमा बाढी पहिरोका कारण मानव बस्ती विस्थापित भएका छन ।  यस्तोमा नेपाल प्रहरी सोलुखुम्बुले विशेष सकृयता देखाउँदै प्रभावित स्थानमा पुगेर राहत, उद्धार र पुनर्स्थापनामा विशेष जोड दिँदै सकृयताका साथ खटेको छ ।

 विकट हिमाली जिल्ला भएतापनि माथिल्लो खुम्बु क्षेत्रमा भएका घटनामा होस या तल्लो सोलुमा, यथाशक्य प्रहरी पुगेर विपदमा हात र साथ दिने काममा प्रहरीले कुनै कसर बाकीँ राखेको छैन ।  शनिबार मात्रै जिल्लाको सेतुको रुपमा रहेको साल्मे पुल बाढीको जोखिममा परेको थियो ।

 यि समस्याहरूमा प्रहरी डटेर बाटो खुलाउने र यातायातलाई सहज बनाउने काम गरेको छ । यस्तै विभिन्न स्थानमा गएको पहिरोले पुरिएका घरबाट मानिस सार्न र उनिहरुलाई सुरक्षित स्थानमा व्यवस्थापन गर्न जिल्ला प्रहरी कार्यालयको समन्वय प्रशंसनीय रहेको छ ।  यस्तै प्रहरी बाढीका कारण विद्युत उत्पादक कम्पनीमा भएको अवरोध हटाउन पुगेका छ ।

अन्य स्थानमा अवरुद्ध विद्युत सुचारूका लागी सोलुखुम्बु प्रहरीले सकृयताका साथ लागी परेको थियो  । सडक खुलाउन, पहिरोबाट विस्थापित परिवारको उद्दार र व्यवस्थापन गर्न यि सबै कार्यहरूमा जिल्ला प्रहरी कार्यालय सोलुखुम्बुका प्रमुख डिएसपी द्वारीका प्रसाद घिमिरे आफै फिल्डमा खटिनुभएको थियो ।