बच्यो सुनकोशी नदि माथिको पुल, पुल माथि थुप्रिएको लोदो हटाइँदै 

असोज १३, सोलुखुम्बु ।  जलसतह पार गरेर बाढी पुल सम्मनै आइपुगेको भएपनि ओखलढुङ्गाको हर्कपुर र उदयपुरको घुर्मी जोड्ने सुनकोशी नदि माथीको पुल सुरक्षित रहेको छ ।  खतराको तह पार खरेको भएपनि अहिले पानीको सतह घटेर पुल सुरक्षित रहेको प्रहरीले जनाएको छ ।

  शनिबार सुनकोशीमा आएको बाढीले खतराको तह समेत पार गरि पुलको ट्रस माथिबाट पानी बग्न थालेपछी पुल बग्छ भन्ने त्रासले धेरैको होस उडेको थियो । तर बाढीलाई समेत चुनौति दिँदै पुलले पूर्वी पहाडी जिल्ला सोलुखुम्बु, ओखलढुङ्गा, खोटाङ र भोजपुरको भाग्य बलियो भएको आभास गराएको छ ।  

अहिले उक्त पुलमाथिको लेदो हटाउने काम भरहेको जनाइएको छ । उक्त पुलले पूर्वी पहाडी ४ जिल्लालाई तराई र काठमाण्डौ सँग जोडेको छ । यता खोटाङलाई उदयपुर र तराईसँग जोड्ने फोक्सिङ्टारको माथिको पुल भने बगेको छ ।  सुनकोशी नदि माथि लगाइएको उक्त पुल सञ्चालनमा आएको १८ महिना नबित्दै बगेको हो । पुल बगेपछि खोटाङ र तराईको दूरी फेरी बढीको छ ।