बाढी पहिरोबाट ऐसेलुखर्कका ६० प्रतिशत सडक क्षतिग्रस्त, पालिकालाई ३५ लाख बढीको नोक्सानी  

असोज १३, सोलुखुम्बु ।   खोटाङको ऐसेलुखर्क गाउँपालिका भित्रका ६० प्रतिशत सडकमा वर्षातका कारण क्षति पुगेको छ ।  गाउँपालिका भित्रका बिभिन्न स्थानका ६० प्रतिशत बढी सडकमा २ दिन सम्म परेको झरीका कारण क्षति पुगेको हो ।  दशै तिहार छठ जस्ता पर्व नजिकिदै गर्दा मर्मत गरिएका सडकमा बाढी पहिरोले क्षती पु¥याउदा गाउँपालिकालाई ३५ लाख बढीको षती भएको गाउँपालिका अध्यक्ष गिरेन्द्र बहादुर राईले बताउनुभयो ।

७ वटा वडा रहेको गाउँपालिकामा दशै तिहारका लागी आवतजावतमा समस्या नहोस् भनेर मर्मत गरेका सडक खण्डमा पछिल्लो वर्षातले ठुलो क्षती पु¥याएको अध्यक्ष राईको भनाई छ । प्राकृतिक विपत्तिका कारण सडक सँगै पालिकाका विभिन्न स्थानमा घर तथा आवासमा समेत क्षति पुगेको छ ।

 गाउँपालिकाको वडा नम्बर १ राखा सोखुमा २ वटा घर पुर्ण रुपमा क्षति भएको अध्यक्ष राईले बताउनुभयो । यस्तै अन्य ७ वटा घर पहिरोको जोखीमा रहेको पनि उहाँको भनाई छ ।  बाढी पहिरोका कारण क्षती भएका परिवारको पुनस्थापर्नाका लागी पालिकाले अभिभावकीय भूमिका निर्वाह गर्न पछि नहट्ने भन्दै उहाँले यथाशीघ्र क्षतीमुल्यांकन हुने बताउनुभएको छ ।