सोलुखुम्बुमा सशस्त्र, ट्राफिक र नेपाली सेनाको दुर्घटना न्यूनिकरण र रोकथाम अभ्यास 

असोज १३, सोलुखुम्बु । सोलुखुम्बुमा सवारी दुर्घटना  न्यूनिकरणका लागी सवारी बालकहरूलाई कृतिम दुर्घटनाको अभ्यास गरिएको छ ।  विपदको समयमा हुन सक्ने सम्भावित दुर्घटना न्यूनिकरणका साथै चाडपर्वको बेलामा हुन सक्ने सम्भावित दुर्घटनाको जोखिमलाई ध्यानमा राख्दै सचेतना मूलक अभ्यास सञ्चालन गरिएको हो ।  

जिल्ला प्रशासन कार्यालय सोलुखुम्बुको संयोजकत्व तथा सशस्त्र प्रहरी वल नेपाल आश्रित गुल्म सल्लेरी, नेपाली सेना र ट्राफिक प्रहरी टोलीले यस्तो अभ्यास गरेको हो ।  सोलुदुधकुण्ड नगरपालिका वडा नम्बर ६ स्थित जोरबौद्धमा सञ्चालन गरिएको अभ्यासमा चालकहरूलाई विपदको समयमा हुन सक्ने दुर्घटनाका बारेमा सचेत गराइएको छ ।  

यो कार्यका लागी शसस्त्र प्रहरी वल अश्रित गुल्म सल्लेरीबाट सशस्त्र प्रहरी निरीक्षक बसन्त कट्वालको कमाण्डको प्रहरी टोली, नेपाली सेना दुर्गा बक्स गण सल्लेरी गुल्मबाट सेनानी समृत जङ्ग थापा र ट्राफिक प्रहरी कार्यालय सोलुखुम्बुबाट प्रहरी नायब निरीक्षक कृष्ण कुमार कटवाल सहितको टोलीले जोरबौद्धमा अभ्यास गरेको थियो ।