शेर्पा संघ अमेरिकाले बुझायो परारष्ट्रमन्त्री राणालाई ज्ञापनपत्र

असोज १३, सोलुखुम्बु । अमेरिकामा रहेका शेर्पाहरुको संगठन शर्पा संघ अमेरिकाले परराष्ट्रमन्त्री डा. आरजु राणा देउवालाई ज्ञापनपत्र बुझाएको छ । अमेरिकाको न्यूयोर्कमा भई रहेको सयुक्त राष्ट्रसंघको महासभामा भाग लिन न्यूयोर्क पुग्नु भएकी परराष्ट्रमन्त्री राणालाई शेर्पा संघ अमेरिकाले न्यूयोर्कमा ज्ञापनपत्र बुझाएको हो ।

शेर्पा संघले बिदेशमा बस्ने नेपालीहरुको अधिकारको लागि जारी गरेको गैर आवासिय नागरिकताले कुन –कुन कुरा उक्त नागरिकताले प्राप्त हुन्छ भन्ने कुरा जिल्लामा जारी गर्ने अधिकारीलाई समेत थाहा नभएको हुँदा उक्त नागरिकता सम्बन्धी प्रस्ट रुपमा प्राप्त हुने अधिकारकाबारे प्रस्ट पार्न माग गरेको शेर्पा संघ अमेरिकाका अध्यक्ष पासाङ दोर्जी शेर्पा (एपी लामा) ले जानकारी दिनुभयो ।

उनीहरुले सो कुराको दुबिधाका कारण बाबु आमाबाट अंश पाएको जग्गा समेत गैर आवसिय नागरिकताले पास गर्न नमिल्ने भन्दै फर्काउने गरेकोसमेत अवगत गराएकाछन् । शेर्पा संघ अमेरिका महासचिब छिरिङ शेर्पाले त्रिभुवन अन्तराष्ट्रिय बिमानस्थलमा आगमन भिषा लिन दुई तीन घण्टासम्म लाईन बस्नु पर्ने र दुई तीन वटा फरक फरक ठाउँमा छाप लाउन र पैसा तिर्न जानु पर्ने सिस्टम हटाई पैसा तिर्ने ठाउँमै सबै काम एकै ठाउँबाट छिटो छरितो गराउन माग गरेको जानकारी दिनुभयो ।

यससंगै उनीहरुले बिदेशबाट नविकरण र निबेदन दिएका राहदानी द्रुत मार्गबाट छिटो दिने प्रकृया शुरु गर्न पनि पराराष्ट्रमन्त्री राणासंग माग गरेकाछन् । ज्ञापनपत्र बुझ्दै पराराष्ट्रमन्त्री राणाले सबै माग सकरात्मक रहेकाले यस सम्बन्धमा आफूले सक्ने सहयोग गर्ने प्रतिबद्धता व्यक्त गर्नुभएको छ ।

ज्ञापन पत्र बुझाउनेमा शेर्पा संघ अमेरिका महासचिब छिरिङ शेर्पा, सचिव–पेम्बा गिर्मे शेर्पा, विश्व शेर्पा संघ बरिष्ठ उपाध्क्ष–ङिमा शेर्पा, विश्व शेर्पा संघ महासचिब–आङ जङबु शेर्पा, शेर्पा किदुग न्युयोर्क, अमेरिकाका अध्यक्ष–ई तेम्बा शेर्पा, शेर्पा किदुक न्युयोर्क, अमेरिकाका महासचिब– साङ दोर्जे शेर्पा उपस्थितिमा ज्ञापन पत्र बुझाइएको जनाइएको छ ।