२ अग्निपीडितलाई साेलु प्रशासनको राहत

साेलुखुम्बु, बैशाख २४।  नेचासल्यानका आगलागी पीडितलाई जिल्ला प्रशासन कार्यालय सोलुखुम्बुले नगद सहित अन्य सामाग्री वितरण गरेको छ ।  आज जिल्ला प्रशासन कार्यालय सोलुखुम्बुका प्रमुख जिल्ला अधिकारी देवी पाण्डे खत्रीले आगलागी पीडितलाई १५ हजार नगद सहित राहत सामाग्री वितरण गर्नुभएको हो । सोलुखुम्बुको नेचासल्यान गाउँपालिका वडा नम्बर २ का ज्ञानबहादुर खत्री र सोही वडाका करवीर राईलाई प्रशासनले नगद सहित १ थान ब्ल्याङकेट, २ थान त्रिपाल, २ थान डसना प्रदान गरिएको प्रशासनले जनाएको छ ।  पीडित खत्रीको घर गत २० गते र राईको घर गत ११ गते आगलागीबाट जलेर नष्ट भएको थियो ।