असोज १४, सोलुखुम्बु । सोलुखुम्बुको थुलुङ दुधकोशी गाउँपालिकामा सशस्त्र प्रहरीले काठे पुल निर्माण गरेको छ । गाउँपालिकाको वडा नम्बर ६ स्थित मुक्ली हुँदै वडा नम्बर ७ देउसा जाने बाटोमा रहेको चेल खोलामा सशस्त्र प्रहरीले काठे पुल निर्माण गरेको हो । सशस्त्र प्रहरी वल आश्रित गुल्मबाट सल्लेरीबाट प्रहरी सहायक निरीक्षक भलाकाजी बानियाँको कमान्डमा खटिएको सशस्त्र प्रहरीको टोलीले त्यहाँ पुगेर काठेपुल निर्माण गरेको हो ।
पुल निर्माणका लागी गाउँपालिकाको वडा नम्बर २ का अध्यक्ष युजन बस्नेत, वडा नम्बर ६ का अध्यक्ष महेन्द्र दिप राई, वडा नम्बर ७ का अध्यक्ष भोजराज कार्की लगायत स्थानीय नागरिकको पहलमा पुल निर्माण गरिएको सशस्त्र प्रहरी वल आश्रित गुल्म सल्लेरीका डीएसपी गोविन्द प्रसाद पोखरेलले बताउनुभयो । पुल निर्माण भएपनि स्थानीय नागरिकलाई आवतजावत गर्न खोला तर्न समस्या नहुने डीएसपी पोखरेलको भनाई छ ।
Discussion about this post