ऐसेलुखर्कमा शारीरिक रूपमा अशक्तलाई घरमै पुगेर नागरिकता

असोज १४, सोलुखुम्बु । खोटाङको ऐसेलुखर्क गाउँपालिका ३ का थिर माया निरौलाले ३८ वर्षको उमेरमा नेपाली नागरिकता पाउनुभएको छ । आईतबार पालिका अध्यक्ष गिरेन्द्र बहादुर राई तथा ईलाका प्रशासन कार्यलयका प्रमुख लिला बहादुर विश्वकर्माले निरौलाकै घरमा पुगेर नेपाली नागरिकताको प्रमाणपत्र प्रदान गर्नुभएको हो ।

ईलाका प्रशासन कार्यालयमा आएर नागरिकता प्रमाणपत्र लिन नसक्ने निरौलालाई घरमा नै गएर नागरिकता प्रदान गरिएको ऐसेलुखर्क गाउँपालिकाका अध्यक्ष राईले बताउनुभयो । ईलाका प्रशासन कार्यालयले यो कार्य पहिलो पटक गरेको भन्दै आगामी दिनहरुमा पनि यस्तै कार्य गर्दै जाने कार्यालय प्रमुख विश्वकर्माले प्रतिबद्धता व्यक्त गर्नुभएको छ ।

पारिवारिक अवस्था निम्न र ६० बर्षिया बृदा आमा छन् । नागरिकताको प्रमाणपत्र प्राप्त गरेपछि थिर माया निरौला र उनका परिवार परिवार खुसी भएका छन्। उक्त नागरिकताको प्रमाणपत्र वितरणमा ऐसेलुखर्क गाउँपालिकाका उपाध्यक्ष राजेश राजभण्डारी, वडा नम्बर ३ का वडा वडाध्यक्ष टेकेन्द्र राजभण्डारीको समेत उपस्थिती रहेको थियो ।