बाढीका कारण बन्द गरिएको सोलु दुधकोशी जलविद्युत आयोजनाको उत्पादन सुचारु 

असोज १४, सोलुखुम्बु । बाढीका कारण उत्पादन बन्द भएको सोलुखोला दुधकोशी जलविद्युत आयोजना सुचारु भएको छ ।  गत १२ गतेसम्मको भीषण वर्षातले नदि तथा खोलाहरूमा अाएकाे भयावह बाढी तथा कटानका कारण पहिरो जान थालेपछी आयोजनाको विद्युत उत्पादन १२ गते मध्यान्ह बन्द गरिएको थियो ।

 जिल्लाका कोशी र नदीहरूको जल सतहले खतराको तह पार गरेपछि बाढीका कारण आयोजनाको विद्युत उत्पादनस्थलका सामाग्रीमा क्षति नहोस भनेर बन्द गरिएको विद्युत उत्पादन आज सोमबारबाट सुचारु भएको हो ।

साहस उर्जा लिमिटेड द्वारा पवर्धनहुने आयोजनाको विद्युत उत्पादन सामबार साँझ करिव ५ बजेबाट सुचारु भएको साहस उर्जा लिमिटेडका अध्यक्ष हिम पाठकले जााकरी दिनुभयो ।  आयोजनाले सोलुखोलाको पानीलाई सोलुखुम्बुको सोलुदुधकुण्ड नगरपनलिका ११ तिङ्लाकाे भदौरेबाट सुरुङमार्ग हुदै थुलुङ दुधकोशी गाउँपालिका ३ पञ्चनमा खसालेर विद्युत उत्पादन हुदै आएको छ ।