असोज १५, सोलुखुम्बु । हिमाली जिल्ला सोलुखुम्बुबाट हेटौडा हुँदै काठमाडौंका लागि बस छुट्ने भएको छ । असोज १२ गतेको बाढीले सडक भत्किएसँगै सोलु सल्लेरी, कटारी, मदन लोकमार्ग, सिन्धुली, हेटौडा , नारायणगढ हुँदै काठमाडौंका लागि बुधबारबाट बस छुट्ने भएको हो । साेही रूटबाटद आवतजावतमा गरिने भएकाे छ ।
घुर्मी कटारी हुदै जाने सडक क्षतविक्षत भएको कारण भोलीबाट हिमाल तराई यातायात द्धारा श्री उग्र चण्डी डिलक यातायातको बस वैकल्पिक सडक प्रयोग गरेर राजधानी पुग्ने भएको काउण्टर संचालक लोक राज प्रधानले जानकारी दिनुभयो । घुमाउरो बाटो हुँदै यात्रा गर्नु पर्ने भएकाले ३ हजार देखि ३५ सय भाडाँ लाग्ने भएकोे जनाइएकाे छ ।
इमर्जेन्सी अवस्थामा परेका नागरिकहरुको समस्यालाई मध्यनजर गर्दै यातायता सेवा सुचारु गरिएको जिल्ला प्रहरी कार्यालय सोलुखुम्बुका प्रहरी प्रमुख एवं प्रहरी नायव उपरीक्षक द्धारीका प्रसाद घिमिरेले जानकरी दिनुभयो ।
गत शनिवारको बाढीले विपि राजमार्ग अन्र्तगत नेपालथोक सहितका स्थानका पक्की सडकहरु क्षतिग्रस्त भएकाले सो क्षेत्रबाट सिधा यातयात सेवा ठप्प बनेको छ । जसका कारण काठमाण्डौँबाट सोलुखुम्बु, ओखलढुंगा , खोटाङ रामेछाप, भाेजपुर सहितका जिल्ला आवतजावतमा समस्या भएको थियो ।
काठमान्डौका लागि ९८६१७३५५८८ गणेश दाहाल, सोलुखुम्बुका लागि ९८६२८५५०७७ लोकराज प्रधान मा सम्पर्क गर्न सक्नुहुनेछ ।
Discussion about this post