सोलुखुम्बुमा चाडपर्व लक्षित सहुलियत पसल सञ्चालनमा, ग्राहकलाई केमा कति छुट ?

असोज १५, सोलुखुम्बु । सोलुखुम्बुमा चाडपर्व लक्षित सुपथ मूल्य पसल सञ्चालन गरिएको छ । आम उपभोक्ताको हितलाई ध्यानमा राखी अत्यावश्यक खाद्य तथा उपभोग्य वस्तु सुपथ मूल्यमा उपलब्ध गराउन चाडपर्व लक्षित सहुलियत पसल सञ्चालन गरिएको हो ।

यही असोज ७ गते देखि आगामी माघ २ गतेसम्मका लागि सुपथ मुल्यको पसल सञ्चालनमा ल्याइएको खाद्य व्यवस्था तथा व्यापार कम्पनी लिमिटेड सोलुखुम्बुका प्रमुख शिद्धिनाथ मिश्रले जानकारी दिनुभयो । उक्त पसलमा विशेष गरी चामल सुपथ मुल्यमा पाईने छ । स्टिम जिरा मसिनो चामल र सोना मन्सुली चामलमा प्रति केजी पाँच रुपैयाँ छुट दिइएको छ ।

पहिले २ हजार ३ सय ५० पर्ने २५ केजीको एक बोराको स्टिम जिरा चामल सहुलियत पसलमा दुई हजार २२ सय २५ मात्रै पर्नेछ । यस्तै पहिले १ हजार ६ सय २५ रुपैयाँ पर्ने २५ केजीको १ बेरा सोना मन्सुली चामलको मुल्य सहुलियत पसलमा एक हजार ५ सयमा बिक्री भइरहेको जनाइएको छ ।

खाद्य व्यवस्था तथा व्यापार कम्पनी लिमिटेड सोलुखुम्बुलाई यो वर्ष ७ सय क्विटल चामल छुटमा बिक्रि गर्न कोटा तोकिएको कार्यालयले जनाएको छ । कार्यालयमा सोमबारसम्म १ सय ८६ दशमलव २५ क्युटल चामल बिक्री भएको छ ।