दिङबोचे प्रहरी र स्थानीयबासीले गरे, सगरमाथा बेसक्याम्प जाने बाटोको मर्मत

असोज १६, सोलुखुम्बु । अस्थायी प्रहरी चौकी दिङबोचेबाट खटिएका प्रहरी टोली र स्थानीयहरुले सगरमाथा बेसक्याम्प जाने बाटोको मर्मत गरेका छन् । मंगलबार खुम्बु पासाङल्हामु गाउँपालिका वडा नम्बर ४ पाङबोचे, सोमारे र दिङबोचेका स्थानीयको सहयोगमा बाटो मर्मत गरिएको जिल्ला प्रहरी कार्यालय सोलुखुम्बुका डिएसपी द्धारीका प्रसाद घिमिरेले जानकारी दिनुभयो ।

उहाँका अनुसार केही दिन अगाडि परेको अविरल वर्षा र हिमपातका कारण सगरमाथा बेसक्याम्प जाने बाटोमा क्षतिग्रस्त भएकाले पैदलयात्रीको सहजताका लागि बाटोको मर्मत गरिएको हो । जिल्लामा आपतविपतको समयमा नेपाल प्रहरीले महत्वपूर्ण भुमिका निर्वाह गर्दै आएको छ ।