रुम्जाटार विमानस्थालमा आइतबार बाट उडान हुने 

असोज १९, सोलुखुम्बु  । ओखलढुङ्गाको रुम्जाटार विमानस्थल सञ्चालनमा आउने तयारी भएको छ ।  यात्रु अभावका कारण ५ वर्ष अघि नियमित उडान बन्द भएको रुम्जाटार विमानस्थल फेरी सञ्चालनमा ल्याउने तयारी भएको जनाइएको छ ।  ५ वर्ष पछि रुम्जाटारमा आइतबार उडान हुन लागेको ओखलढुङ्गाका प्रमुख जिल्ला अधिकारी डा. नारायण ढकालले बताउनुभयो ।  

राज्य व्यवस्था तथा सुशासन समितिका सभापति तथा ओखलढुङ्गाका प्रतिनिधि सभा सदस्य रामहरी खतिवडाको पहलमा लामो समयदेखि बन्द भएको विमानस्थलको उडान फेरी सुचारु हुन लागेको हो । पछिल्लो मनसुनजन्य विपदका कारण राजमार्ग अवरुद्ध भएपछि यातायातमा व्यापक समस्या हुँदै गरेको सन्दर्भमा जिल्लाका यात्रुहरूको व्यवस्थापनका लागी विमानस्थललाई सुचारु गराउने तयारीले ओखलढुङ्गाका नागरिकमा खुसि छाएको छ ।  

विमानस्थलमा हाललाई हप्ताको २ वटा उडान आइतबार र बुधबार गर्ने गरी नागरिक उड्यन प्राधिकरणले तयारी गरेको छ । नेपाल एयरलाइन्स र समिट एअरले पालैपालो हप्ताको २ दिन उडान गर्ने तयारी रहेको प्राधिकरणका डीजी प्रदिप अधिकारीले बताउनुभयो  ।

ruनेपाल वायुसेवा निगमको बजार व्यवस्थापन विभागले विजयादशमीको अवसरमा यात्रुहरूको व्यवस्थापन र सहजताका लागि रूम्जाटार स्टेसन पुनः उडान सञ्चालनका लागि कार्यकारी अध्यक्षसमक्ष स्वीकृतिका लागी पेश गरिसकेको छ ।