अरिङ्गालको टोकाईबाट सोलुखुम्बुमा एकको मृत्यु 

असोज २०, सोलुखुम्बु ।  सोलुखुम्बुको सोताङ गाउँपालिकामा अरिङ्गालको टोकाईबाट एक जनाको मृत्यु भएको छ ।  गत असोज ६ गते अरिङ्गालको टोकाईबाट शक्त भएका पालिकाको वडा नम्बर २ का एक पुरुषको मृत्यु भएको हो ।

घर नजिकैको भिमेस्वरी सामुदायिक वनमा अरिङ्गाल काढ्न गएका स्थानीय विरबहादुर राईलाई अरिङ्गालले टोकेको १३ दिनपछि  मृत्यु भएको हो । सोताङ गाउँपालिका वडा नम्बर २ का वडा अध्यक्ष श्याम कुमार राईका अनुसार अरिङ्गालले टोकेपछि स्थानीय अस्पतालमा उपचार गराएर सामान्य अवस्थामा फर्किएका बिर बहादुरको शनिबार ज्यान गएको हो ।

घरायसी अवस्था कमजोर भएका उनको उपचारका लागी स्थानीय बाट केही रकम जोहो गरिएको भएपनि उपचार सम्भव नभएको वडा अध्यक्ष राईले बताउनुभयो ।  उनलाई १ सय २० वटा अरिङ्गालले चिलेको थियो ।