पालिका अध्यक्ष धनजन राई रातभरि खटेर खुलाए नेचा–ओखलढुङ्गाको बाटो

असोज २०, सोलुखुम्बु । सोलुखुम्बुको नेचासल्यान गाउँपालिकाका ग्रामिण सडक पुर्ण रुपमा सञ्चालनमा आउने भएका छन् । गाउँपालिका क्षेत्र भित्रका विभिन्न सडक खण्डहरु दशैका लागी मर्मत सम्भार गरी सोमबारबाट सञ्चालनमा ल्याउने तयारी भएको हो ।

विगत ५ महिनादेखी बन्द रहेको ओखलढुंगाबाट गाउँपालिका प्रबेश गर्ने विव्लाटे, ठोट्ने गैरी, आहाले ख्याम्पु, दोदी र गैरी देखी नेचा विहिबारे सम्मको सडक गाउँपालिका अध्यक्ष धनजन राई आँफै शनिबार राती १० बजे सम्म फिल्डमा खटेर उक्त सडक खुलाउनुभएको हो । गाउँपालिकाको माथिल्लो भेगका लागी महत्वपुर्ण उक्त सडक मर्मत सम्भार सम्पन्न भएको हो । यस्तै गाउँपालिका क्षेत्र भित्रका अन्य मुख्य सडकहरुपनि मर्मत गरि सञ्चालमा ल्याइएको छ ।

ओखलढुंगाको सिद्धिचरण गाउँपालिका र नेचासल्यान गाउँपालिको साझेदारीमा मुख्य नाकाका सडक मर्मत गरी आवतजावत खुलाइएको छ । गाृउँपालिका अध्यक्ष धनजनराईका अनुसार वर्षात कम भएकाले सडक मर्मत गरि दशैका लागी घर फर्कने र बाहीरिने पालिकाबासीको सहजताका लागी गाउँपालिका सडक मर्मतमा लागी परेको र सोमबार देखी गाउँपालिकाका सबै ग्रामीण सडक सञ्चालनमा आउने भएका हुन ।

यसैविच भर्खरै मर्मत गरि सकिएका सडक सञ्जालमा कार्तिक मसान्त सम्म ठुला र मालबाहक सवारी साधन प्रबेश गर्न नपाइने भएको छ । लामो समयसम्मको वर्षातले गाउँपालिका क्षेत्रभित्रका सडक थिलथिलो अवस्थामा रहेकाले ठुला सवारी साधन यि सडकमा गुडाउदा जमिन भासिने र सडक विग्रने सम्भावना हुनका साथै दुर्घटनाको जोखीम समेत हुने भएकाले आमागी कार्तिक मसान्त सम्म उक्त सडकहरुमा ठुला सवारी साधन प्रबेशमा रोक लगाइएको गाउँपालिकाले जनाएको छ ।

यस अवधीमा ठुला सवारी साधनहरु जस्तै टिफर, ट्रक लगायत अन्य मालबाहक सवारप्ी साधन प्रबेश गराए कारवाही हुने पनि गाउँपालिकाले जनाएको छ ।