जिल्ला समन्वय समिति सोलुखुम्बुका सदस्य बस्नेत बेपत्ता 

असोज २३, सोलुखुम्बु  । जिल्ला समन्वय समिति सोलुखुम्बुका सदस्य धर्मध्वज बस्नेत बेपत्ता भएका छन् ।  सोलुखुम्बुको सोताङ गाउँपालिकाका बस्नेत मङ्गलबारबाट सम्पर्क विहीन भएका हुन् । घरबाट मोटरसाइकल लिएर हिँडेका बस्नेत २४ घण्टा बढी सम्म पनि सम्पर्कमा नआएको पारिवारिक श्रोतले जनाएको छ । निराशाजनक कुरा गर्दै घरबाट निस्किएका बस्नेत २४ घण्टा बितिसक्दा पनि सम्पर्कमा नआएपछि खोज कार्य सुरु गरिएको छ । नेपाली काङ्ग्रेसका नेता तथा जिसस सदस्य समेत रहनुभएका बस्नेतको खोजिका लागी जिल्ला प्रहरी कार्यालय सोलुखुम्बु र प्रहरी चौकी सोताङबाट काम सुरु भइसकेको जिल्ला प्रहरी कार्यालय सोलुखुम्बुका प्रमुख, डीएसपी द्वारीका प्रसाद घिमिरेले बताउनुभयो ।  यस्तै बस्नेतको खोजीका लागी सोताङ गाउँपालिकाले पनि पहल गरिरहेको गाउँपालिकाका सूचना प्रविधि अधिकृत अरुण जङ्ग बस्नेतले बताउनुभयो ।  बस्नेतकाे माेटरसाइकल भने साेताङ्ग गाउँपालिका वडा नम्बर ५ धारापानीमा फेला परेकाे छ ।