भत्किएका पुल र सडक तत्काल पुननिर्माण गर्न खोटाङबासीको माग

असोज २५, सोलुखुम्बु । बाढीले क्षति पु¥याएको पुल र सडक तत्काल पुननिर्माण गर्न खोटाङ जिल्लावासीले सरकारसँग माग गरेका छन् । खोटाङबाट निर्वाचित प्रतिनिधिसभा सदस्य रामकुमार राईको पहलमा काठमाडौंमा बसेको सर्वदलीय सर्वपक्षीय बैठकले जिल्लामा भएको क्षतिको एकिन गरी पुननिर्माण गर्न माग गरेको हो ।

असोज ९ देखि १२ गतेसम्म परेको भीषण वर्षाका कारण तराईका जिल्लासँग जोड्ने सुनकोशीको पुल बगाएको छ । दिक्तेल गाईघाट सडक अवरुद्ध छ । त्यस्तै दिक्तेल भोजपुर सडकमा समेत क्षति पुपगेको प्रतिनिधिसभा सदस्य रामकुमार राई पासाङले बताए ।

उनले जिल्लाका १० पालिकाबाट सदरमुकाम दिक्तेलसम्म जोडने सडक बाढीर पहिरोले बगाएका कारण सर्वसाधारणलाई आवतजावतमा गम्भीर समस्या भएका कारण क्षतिको मुल्यांकन गरी तत्काल पुननिर्माण गर्न सरकारसँग माग गरेका छन् । उनले खोटाङको विकासमा सामूहिकरुपमा लागि पर्न आग्रह गरेका छन् ।