रक्षामन्त्री राईद्वारा बडा दशैंको शुभकामना

असोज २६, सोलुखुम्बु । नेपालीहरूको महान् पर्व विजयादशमीको उपलक्ष्यमा रक्षामन्त्री मानविर राईले शुभकामना व्यक्त गर्नुभएको छ । उहाँले स्वदेश तथा विदेशमा रहेका नेपालीहरुलाई सुख, शान्ति, सुस्वास्थ्य, दीर्घायु, समृद्धि एवं निरन्तर प्रगतिको काम गर्नुभएको हो ।

बडा दसैँलगायतका सांस्कृतिक पर्वहरूले नेपाली समाज र मानव जीवनमा भ्रातृत्व, भावनात्मक एकता र राष्ट्रिय गौरवका निम्ति विशिष्ट योगदान पुर्याउँदै आएको बताउनुभयो ।

बडा दसैँ (विजयादशमी) का अवसरमा शुभकामना सन्देश दिँदै रक्षामन्त्री राईले विविधतायुक्त विशेषताबीचको एकता हाम्रो मौलिक पहिचान भएकाले सबै जाति, भाषा, धर्म, संस्कृति र सभ्यताको संरक्षण र विकास गर्नु साझा दायित्व भएको उल्लेख गर्नुभयो ।

उहाँले नेपाली समाजलाई समुन्नत बनाउन सबैको साथ, सहयोग र ऐक्यबद्धतासहित सामाजिक सहिष्णुता र सदभाव अझै अभिवृद्धि हुने अपेक्षा गर्दै शुभकामना व्यक्त गर्नुभएको हो ।