कार्तिक २, सोलुखुम्बु । खोटाङमा कर्तव्य ज्यान मुद्यामा फरार प्रतिवादीलाई २३ वर्षपछि प्रहरीले पक्राउ गरेको छ । खोटाङको केपिलासगढी गाउँपालिका वडा नम्बर ३ स्थायी ठेगना भई हाल सुनसरी धरान उपमहानगरपालिका वडा नम्बर ११ बस्ने ४१ बर्षिय सोमराज राईलाई पक्राउ गरिएको जिल्ला प्रहरी कार्यालय खोटाङले जनाएको छ ।
जिल्ला अदालत खोटाङले ०५८ माघ २ गते फैसला भई हालसम्म फरार रहेका राईलाई धरानबाट नियन्त्रणमा लिएको जिल्ला प्रहरी कार्यालय खोटाङका सूचना अधिकारी एवंम प्रहरी निरीक्षक मोहन पोखरेलले जानकारी दिनुभयो । उनलाई असोज ६ गते पक्राउ गरी जिल्ला अदालत दिक्तेलमा बिहिबार कैद भुक्तानका लागि कारागार चलान गरिएको छ ।
Discussion about this post