फेरिए सोलुखुम्बुका सिडियो, खत्रीको गृहमन्त्रालय सरुवा, घिमिरे आउँदै 

कार्तिक ४, सोलुखुम्बु ।  गत कार्तिकमा सोलुखुम्बुमा प्रमुख जिल्ला अधिकारीको जिम्मेवारीमा सोलुखुम्बु आउनुभएकी देवी पाण्डे खत्रीको सरुवा भएको छ ।  जिल्लाका सम्पुर्ण सरकारी कार्यालयको प्रमुखहरूको पनि प्रमुखको रुपमा जिल्लामा ८० कार्तिक १५ गते आउनुभएकी सडियो खत्री ११ महिना १३ दिनको बसाई पछि सरुवा हुनुभएको हो ।

एक वर्षको सोलुखुम्बु बसाइ पछि गृह मन्त्रालयले आज आइतबार सीडीओ खत्रीलाई मन्त्रालयमा सरुवा गरिएको जनाइएको छ ।  जिल्लामा रहेका सरकारी कार्यालयहरुसँग समन्वय गर्दै नागरिकलाई सहज सेवा प्रवाह गर्न, जिल्लाको शान्ति सुरक्षा कायम गर्न अव्वल भूमिका निर्वाह गर्दै एक वर्ष बिताउनुभएकी सिडियो खत्रीले जिल्लामा सबैको साथ पाएको बताउनुभएको छ ।  

जिल्ला सुरक्षा समिति, जिल्ला विपद व्यवस्थापन समिति जस्ता संवेदनशिल र जिम्मेवार क्षेत्रको कुशतला पूर्वक नेतृत्व गर्दै कार्यकाल सकाउनु भएकी सडियो खत्री अव गृह मन्त्रालयमा रहेर सेवा गर्नुहुने मन्त्रालयले जनाएको छ ।  हालकी सडियो खत्रीको ठाउँमा अव नयाँ सिडियोको रुपमा जिल्लाले उपसचिव अनुज घिमिरे पाउने छ ।  यस अघि इलाका प्रशासन कार्यालय धरानमा कार्यरत घिमिरेलाई मन्त्रालयले सोलुखुम्बुको सिडियोको रुपमा पठाइएको गृहमन्त्रालयले जनाएको छ ।