साहस उर्जाको ११ औँ साधारणसभा सम्पन्न, ७ सदस्यीय संचालक समिति निर्विरोध

कार्तिक ४, सोलुखुम्बु । साहस उर्जा लि. को ११ औँ साधारणसभा सम्पन्न भएको छ ।  काठमाण्डौमा सम्पन्न साधारण सभाले ७ सदस्यीय सञ्चालक समिति गठन गरेको छ ।  यस अघि रोकिएका ३ वटा साधारणसभा सभा पश्चात ११ औँ साधारणसभा गरेको कम्पनीले संस्थाको तर्फबाट हिम पाठक, मुक्तिराम पाण्डे, सुशील थापा र महेन्द्र कुमारलाई सदस्य चयन गरेको छ ।  

यस्तै सर्वसाधारणको तर्फबाट आङगेलु शेर्पा, गरिमा अधिकारीलाई सञ्चालक समिति चयन गरिएको छ भने स्वतन्त्र सञ्चालकको तर्फबाट विभूति ओझालाई सदस्य चयन गरिएको सञ्चालक समिति सदस्य हिम पाठकले जानकारी दिनुभयो ।  साधारणसभाले ४ आगामी ४ वर्षे कार्यकालका लागी सदस्य चयन गरेको हो ।

साधारणसभा बाट निर्वाचित सदस्यहरू मध्येबाट बैठक बसी सञ्चालक समिति अध्यक्ष चयन गर्ने जनाइएको छ ।  २०७० सालमा स्थापना भएको साहस उर्जा कम्पनीले सोलुखोला दुधकोशी जलविद्युत आयोजना ८६ मेगावाट निर्माण गरि २०७१ सालमा पब्लिक कम्पनी भएको थियो ।  अहिले सोही साहस उर्जा कम्पनी लि.ले आफ्नो लगानीमा निजी क्षेत्रबाट निर्माण हुने नेपालकै ठुलो बुढीगण्डकी अर्धजलासय युक्त जलविद्युत आयोजना ३ सय ४१ मेगावट निर्माण गरिरहेको पनि सञ्चालक समिति सदस्य पाठकले बताउनुभयो