नेपाल मगर संघ सोलुखुम्बुले गर्यो मगर जनप्रतिनीधि लाई सम्मान

बैशाख २८, सोलुखुम्बु । नेपाल मगर संघ जिल्ला कार्यसमिति  सोलुखुम्बुले निर्वाचित मगर जनप्रतिनिधी हरुलाई सम्मान गरेको छ ।  गत २०७९ सालको स्थानीय तहको निर्वाचनमा सोलुखुम्बुका निर्वाचित मगर समुदायका ४ जना जनप्रतिनिधि हरूलाई सम्मान गरिएको हो । विहीबार सल्लेरी स्थित लक्ष्मी होटलमा बसेको समितिको पहिलो पूर्ण बैठकले जिल्ला सामान्य समिति सोलुखुम्बुका उपप्रमुख टिकामाया मगर सहित ६ जनालाई सम्मान गरिएको समितिका अध्यक्ष बुद्धि मगरले जानकारी दिनुभयो ।

उहाँले प्रमुख मगर सहित सोलुदुधकुण्ड नगरपालिका वडा नम्बर १० का वडा अध्यक्ष होम बहादुर मगर, माप्य दूधकोशी गाउँपालिका वडा नम्बर ६ का वडा अध्यक्ष राम प्रसाद मगर, सोलुदुधकुण्ड नगरपालिकाका कार्यपालिका सदस्य कुलध्वज घर्ती मगरलाई सम्मान गरिएको बताउनुभयो । यस्तै समितिका पूर्व अध्यक्ष नरेन्द्र थापा मगरलाई र समितिको कार्यालय सञ्चालनका लागी कोठा उपलब्ध गराउने ललित थापा मगरलाई पनि सम्मान गरिएको उहाँको भनाई छ । २०६० सालमा स्थापना भएको नेपाल मगर संघ सोलुखुम्बु पछिल्लो समय जिल्लामा कृयाशिल बन्दै गइरहेको अध्यक्ष मगरले जानकारी दिनुभयो ।