हलेसी तुवाचुङले लगायो सीसा जन्य बियरमा प्रतिबन्ध 

बैशाख २८, साेलुखुम्बु । खोटाङको हलेसी तुवाचुङ नगरपालिकाकाले सीसा जन्य बियरका बोतल प्रतिवद्ध लगाउने भएको छ ।   विहीबार एक सूचना जारी गर्दै नगरपालिकाले नगरपालिका क्षेत्र भित्र  बियरका बोतल बिक्री वितरणमा रोक लगाएको हो । नगरपालिकाले गत पौष १० गतेनै कार्यपालिका बैठकमा सिसा जन्य बियरको बोतलले वातावरणमा पारेको प्रभावका विषयमा यस सम्बन्धी समीक्षा गरेको भन्दै नगरपालिका क्षेत्रमा यस्ता बोतलमा भरिएको बियर बिकृ वितरण र ओसार पसारमा नै प्रतिबन्ध लगाइएको जनाइएको छ । प्रसिद्ध त्रि धार्मिक भूमि हलेसी समेत रहेको नगरपालिकामा सिसा जन्य बोतलका कारण वातावरण प्रदुषण भएपछि ओसारपसार विकृ वितरणका लागी रोक लगाएको नगरप्रमुख विमला राईले बताउनुभएको छ ।  नगरपालिकाले होटल तथा पसलमा मौज्दातमा रहेका सिसा जन्य बियर आयात समेत नगर्न व्यवसायीहरूलाई अनुरोध गरेको छ ।