काँगेलमा फुटसल र भलिबल प्रतियोगिता सुरु 

कार्तिक ४, सोलुखुम्बु । सिर्जनशील युवा समाजको आयोजनामा सोलुखुम्बुमा फुटसल र भलिवल प्रतियोगिता सुरु भएको छ ।  थुलुङ दुधकोशी गाउँपालिका वडा नम्बर २ काँगेलमा आजबाट जिल्लाव्यापी फुटसल र भलिबल प्रतियोगिता सुरु भएको हो ।  गाउँपालिका अध्यक्ष असिम राईको प्रमुख आतिथ्यता रहने  प्रतियोगितामा भलिबल तर्फ ७ टिमको सहभागिता रहेको र फुटसल तर्फ २५ टिमको सहभागिता रहेको गाउँपालिका प्रवक्ता भोजराज कार्कीले बताउनुभयो ।

 सिर्जनशील युवा समाज काँगेलको १७ औँ बार्षिक उत्सवको अवसरमा आयोजित प्रतियोगितामा फुटसल तर्फ प्रथम, द्वितीय र तृतीय हुने टिमलाई क्रमशः ५०, २० र १० हजार नगदको साथमा कप, मेडल र प्रमाणपत्र  प्राप्त गर्नेछन् । यस्तै भलिबल तर्फ प्रथम, द्वितीय र तृतीय हुने टिमलाई २० हजार, १० हजार र ५ हजारको साथमा मेडल र प्रमाणपत्र प्रदान गरिने आयोजकले जनाएको छ । प्रतियाेगिता उद्घाटन कार्यक्रममा प्रवक्ता कार्की, वडा नम्बर १ का अध्यक्ष ङनराज सुनुवार, काँगेलका अध्यक्ष युजन बस्नेत लगायत वडा अध्यक्षहरू, अायाेजक संस्थाका पदाधिकारी, स्थानीय समाजसेवी एवं स्थानीयकाे उपस्थिति रहेकाे थियाे ।