थुलुङ दुधकोशी अस्पतालमा शल्यक्रिया मार्फत आठौँ प्रसूती 

कार्तिक ६, सोलुखुम्बु । थुलुङ दुधकोशी गाउँपालिका द्वारा सञ्चालित दुधकोशी सामुदायिक अस्पतालमा आठौँ पटक सिजेरीयन सेक्सन मार्फत प्रसूती गराईएको छ ।  गाउँपालिकाको वडा नम्बर ७ देउसाकी एक महिलाले आज अस्पतालमा शल्यक्रिया मार्फत शिशु लाई जन्म दिएकी हुन ।  स्थानीय २० वर्षीय भावना परियारले अस्पतालमा शल्यक्रिया मार्फत शिशुलाई जन्म दिएको अस्पतालले जनाएको छ ।  मङ्गलबार ९ बजेर ३२ मिनेट जाँदा अस्पतालमा आठौँ सिजेरियन सेक्सन मार्फत सफल प्रसूती गराइएको गाउँपालिका अध्यक्ष असिम राईले बताउनुभयो । उहाँले गाउँपालिकामा प्रसुती सहितको स्वास्थ्य सेवा सुरु भएपछि नागरिकलाई ठुलो आर्थिक भार व्यहोरेर गाउँ बाहिर गएर स्वास्थ्योपचार तथा प्रसूती गराउनुपर्ने बाध्यताको अन्त्य भएको बताउनुभएको छ ।