गत असाेजकाे वर्षातले साेलुखुम्बुमा २५ लाखकाे अन्नबाली नष्ट

कार्तिक ६, सोलुखुम्बु ।  गत असोज १० गते देखी १२ परेको अविरल वर्षातले हिमाली जिल्ला सोलुखुम्बुको कृषि क्षेत्रमा झण्डै २५ लाखको क्षति भएको छ ।  ३ दिन सम्म परेको अविरल वर्षातले जिल्लाको ५ सय ४७ हेक्टर क्षेत्रफलमा लगाएको अन्नबालीमा क्षति पु¥याउँदा २४ लाख ५० हजार रुपैयाँ बराबरको क्षति भएको हो ।  कृषि ज्ञान केन्द्र सोलुखुम्बुका अनुसार बाढीले जिल्लाको माप्य दुधकोशी गाउँपालिकामा सबैभन्दा धेरै क्षति पु¥याएको छ ।  

जिल्लमा १ सय ६३ दशमलव २ हेक्टर क्षेत्रफलमा लगाइएको धान, ३ सय ३ हेक्टर क्षेत्रफलमा लगाइएको कोदो, ७६ हेक्टर क्षेत्रफलमा लगाइएको तराकारी, २ हेक्टरमा लगाइएको अलैँची, ४ हेक्टरमा लगाइएको दलहन बाली बाढीबाट नष्ट भएको छ । यो क्षति मध्ये बाढीले माप्य दुधकोशी गाउँपालिकामा मात्रै बाढीले ९ लाख ७० हजार रुपैयाँ बराबरको अन्न बालीमा क्षति पु¥याएको छ ।  गाउँपालिकाको वडा नम्बर ७ मा २ हेक्टर क्षेत्रफलमा लगाएको अलैँचीमा बाढी पस्दा १ मेट्रिक टन अलैँची नष्ट भएको जनाइएको छ । उक्त अलैँचीमा क्षति हुँदा किसानलाई २ लाख बढीको क्षति भएको छ ।  यस्तै सोही वडाको १ सय ५२ हेक्टर हेक्टर क्षेत्रफलमा लगाइएको धानबालीमा बाढी पहिरोले क्षति गराउँदा झण्डै ८० हजार बराबरको नोक्सान भएको छ ।  

७ नम्बर  वडाकै किसानको ३ सय २ हेक्टर क्षेत्रफलको कोदामा बाढी पहिरो पस्दा ८५ हजार, ७६ हेक्टर क्षेत्रफलमा लगाइएको तरकारी बाली क्षति हुँदा ५ लाख ४० हजार बराबरको नोक्सान भएको छ ।  यस्तै सोही स्थानमा ४ हेक्टर क्षेत्रफलमा लगाइएको दलहनबालीमा बाढी पस्दा ६५ हजार रुपैयाँ बराबरको अनुमानित क्षति भएको कार्यालयले जनाएको छ ।

 यता नेचासल्यान गाउँपालिकाको वडा नम्बर ३ र ४ का किसानले लगाएको ५ दशमलव २ हेक्टर क्षेत्रफलको धानबालीमा बाढी पस्दा १० मेट्रिक टन धान अर्थात ६ लाख ७० हजार बराबरको क्षति भएको छ ।  यस्तै सोताङ गाउँपालिकामा ५ हेक्टरको धान खेतीमा बाढी पस्दा ८ मेट्रिक टन धान अर्थात ५ लाख ६० हजार बराबरको क्षति भएको कृषि ज्ञान केन्द्र सोलुखुम्बुका प्रमुख दुर्गा बहादुर तिरुवाले बताउनुभयो ।  यता सोताङ गाउँपालिकाकै २ र ३ नम्बर वडामा कोदामा बाढी पस्दा २ लाख ५० हजार बराबरको क्षती भएको उहाँले बताउनुभएको छ ।