खिजिदेम्बा अध्यक्ष शेर्पाको पहलमा अपाङ्गता भएकाहरूलाई १७ वटा ह्वील चियर

कार्तिक ७, सोलुखुम्बु । ओखलढुंगाको खिजिदेम्बा गाउँपालिकाका अध्यक्ष गम्बु शर्पाको पहलमा १७ जना अपाङ्गता भएका व्यक्तीलाई ह्वील चियर उपलब्ध गराइने भएको छ । गाउँपालिका अध्यक्ष शेर्पाको पहल तथा पिके ट्रेक्स एक्सपीडिसनका अध्यक्ष पेम्बा शेर्पको समन्वयमा ह्वील चियर वितरण गरिने भएको हो । अत्याधुनिक प्रविधीका ह्वील चियर भएकाले अपाङ्गता भएकाहरुको जिवनयापनमा धेरै हदसम्म सहज हुने विश्वास लिएको अध्यक्ष शेर्पाले बताउनुभयो । प्रतिगोटा ५० हजार माथि पर्ने १७ वटा ह्वील चियर ल्याइएको हो । उक्त ह्वील चियर केही समयपछि अपाङ्गता भएका व्यक्तीहरुलाई हस्तान्तरण गरिने छ ।