कागेल, जुबु जोड्ने वात्तिम सडकमा मोटरसाईकल चल्न सुरु

कार्तिक ९, सोलुखुम्बु । सोलुखुम्बुको थुलुङ दुधकोशी गाउँपालिका २ कागेल र जुबु ४ जोडने वात्तिम वादे सडकमा मोटरसाइकल चल्न थालेको छ । गत असोज १२ गते आएको अविरल बर्षासँगैको पहिरो हटाएपछि सडकमा मोटरसाइकल चल्न थालेको हो ।

खोटाङको ऐसेलुखर्कसँग जोड्ने सिधा सडक अबरुद्ध हुदाँ यात्रुहरुले पञ्चनको बाटोबाट यात्रा गर्न बाध्य बनेका थिए । बिहिबार जेसिबीको सहायताले पहिरो पन्छाएपछि बाटो सुचारु गरिएको थुलुङ दुधकोशी गाउँपालिका वडा नम्बर २ का वडा अध्यक्ष युजन बस्नेतले बताउनुभयो । ठुलठुला ढुगांसहितको पहिरो खसेकाले तत्काल हटाउन सकिएको थिएन ।