साल्मे सडक खण्डको भिमकाय ढुङ्गा हटाइने, शुक्रबार ३ घण्टा यातायात बन्द

कार्तिक ९, सोलुखुम्बु ।  वर्षातका कारण झरेको साल्मे पहिरोमा रहेको ढुङ्गा हटाइने भएको छ ।  सडक डिभिजन कार्यालय हर्कपुरले शुक्रबार सल्लेरी ओखलढुङ्गा सडकखण्डको ढुङ्गा हटाउने तयारी रहेको  जिल्ला प्रहरी कार्यालय सोलुखुम्बुले जनाएको छ ।  सडक छेउमा रहेको भिमकाय ढुङ्गाले सडक यातायातमा जोखिम रहेकाले ढुङ्गा हटाउने तयारी भइरहेको सडक डिभिजन हर्कपुरलाइ उदृत गर्दे कार्यालयले जनाएको हो ।  ढुङ्गा हटाउने समय दिउँसो ११ बजेदेखि २ बजेसम्म उक्त क्षेत्रमा यातायातका साधन चलाउन पनि रोक लगाइएको जिल्ला प्रहरी कार्यालय सोलुखुम्बुले जनाएको छ ।