उच्च हिमाली क्षेत्रमा सोलुखुम्बु प्रहरीको गस्ती

कार्तिक ९, सोलुखुम्बु ।  हिमाली जिल्ला सोलुखुम्बुमा प्रहरीले ४ हजार २ सय मिटरको उचाइमा प्रहरी गस्ती गरेको छ ।  समुदाय प्रहरी साझेदारी कार्यक्रम अन्तर्गत जिल्ला प्रहरी कार्यालय सोलुखुम्बुले लामो दुरीको गस्ती गरेको हो ।

 पर्यटकीय सिजन रहेकाले पर्यटकीय क्षेत्रमा पर्यटकहरूको अवस्था बुझ्दै उनीहरूलाई शान्ति सुरक्षाको आभास गराउनका लागी प्रहरीले चर्चित पर्यटकीय क्षेत्र पिके पिक सम्म प्रहरी गस्ती गरेको हो । जिल्ला प्रहरी कार्यालय सोलुखुम्बुका प्रमुख डीएसपी द्वारीका प्रसाद घिमिरेको कमान्डमा खटिएको प्रहरी टोली गत ७ गते कार्यालयबाट निस्केर ८ गते समुन्द्र सतहबाट ४ हजार २ सय मिटर उचाइमा रहेको पिके पिक सम्म पुगेर त्यस क्षेत्रमा घुम्न आएका पर्यटकहरूको अवस्था, स्थानीयको शान्ति सुरक्षाको अवस्था लगायत अन्य विभिन्न विषयमा जानकारी लिएर फर्केको डीएसपी घिमिरेले बताउनुभयो ।  

अहिले पर्यटकीय सिजन चलिरहेकाले जिल्लाका विभिन्न पर्यटकीय क्षेत्र घुम्नका लागी पर्यटकहरू आउने गरेका छन् ।  उनीहरू घुम्नका लागी आउने स्थानमा सान्ती सुरक्षाको कुनै कमी नहोस् भन्नका लागी प्रहरी स्थलगत गस्ती गएको हो ।  गस्तीका क्रममा डीएसपी घिमिरेले स्थानीय नागरिक, पर्यटक, गाइड तथा उद्योगीहरूसँग सान्ती सुरक्षाका बारेमा अन्तरक्रिया समेत गर्नुभएको जनाइएको छ ।