हिमाल दर्शनको स्वर्ण जयन्ती तथा शुभकामना आदान प्रदान कार्यक्रम सम्पन्न

कार्तिक १०, सोलुखुम्बु । सोलुखुम्बुको नेचासल्यान गाउँपालिका स्थित हिमाल दर्शन माध्यमिक विद्यालयको स्वर्ण जयन्ती तथा शुभकामना आदान आदान प्रदान कार्यक्रम सम्पन्न भएको छ ।

सुकेधारामा शनिबार विद्यालय ब्यबस्थापन समितिका अध्यक्ष एवंम स्वर्ण जयन्ती आयोजक मूल समारोह समितिका संयोजक ओम प्रसाद बास्तोलाको अध्यक्षता तथा पूर्व माननीय भूपाल किरातीको प्रमुख आतिथ्यतामा कार्यक्रम समापन गरिएको हो । आज आयोजित कार्यक्रममा ‘पचास बर्ष – पचास संकल्प’ सार्बजनिक गर्नुका साथै सहभागीहरुसँग अन्तकृया समेत गरिएको छ ।

स्वर्ण जयन्ती लक्षित’ ५० बर्ष÷५० संकल्प’ मध्ये ४० वटा विद्यालय व्यवस्थापन समिति र १० वटा पूर्ब विद्यार्थी समाजका तर्फबाट कार्यान्वयन गरिने रेडियो एभरेष्टका फिल्ड कोडिनेटर ढुगेंलले जानकारी दिनुभयो ।

संकल्प सार्बजनिक गर्दै विद्यालय ब्यबस्थापन समितिका अध्यक्ष एवंम स्वर्ण जयन्ती आयोजक मूल समारोह समितिका संयोजक ओम प्रसाद बास्तोलाले केहि संकल्प कार्यान्वयन भइसकेको र केही संकल्पहरु कार्यान्वयन गर्दै जाने बताउनुभयो ।

कार्यक्रममा नेपाली कांग्रेसका नेताद्वय प्रकाशसिंह कार्की, टानका उपाध्यक्ष कर्मा शेर्पा, एमाले नेता महेश किराँती, हिमाल दर्शन पूर्ब विद्यार्थी समाजका अध्यक्ष दिनराज बास्तोला लगायतले शुभकामना व्यक्त गर्दै आ–आफ्नो धारणा राख्नुभएको थियो ।