थुलुङ दुधकोशीका ९५ प्रतिशत सडकको सरसफाइ सम्पन्न 

कार्तिक ११, सोलुखुम्बु ।  सोलुखुम्बुको थुलुङ दुधकोशी गाउँपालिका भित्रका ९५ प्रतिशत सडकको चाडपर्व लक्षित सरसफाइ गरिएको छ ।  गाउँपालिकाका ९ वटै वडा पुग्ने सडक खण्ड गाउँपालिकाको मेसिन प्रयोग गरेर धमाधम सरसफाइ भइरहेकोले करिव ९५ प्रतिशत सडक यातायात सञ्चालनका लागी योग्य भइसकेको जनाइएको हो ।

 ९ वटा वडा रहेको गाउँपालिकामा २ वटा मेसिन प्रयोग गरेर सडक खुलाउने काम भइरहेको छ ।  गत असोज १० देखी १२ गते सम्मको पानीले क्षतिग्रस्त बनाएका सडक खण्ड खुलाउनका लागी गाउँपालिका दशै अगाढी देखीनै निरन्तर लागी परिरहेकाेले नजिकिएको चाड तिहार लगायत हिँउदमा आवतजावत गर्नका लागी पूर्ण रुपमा सरसफाइ गर्ने काम गरिएको गाउँपालिका प्रवक्ता भा्जराज काकीृले बताउनुभयो ।  

उहाँका अनुसार वडा नम्बर ९, ४ र ५ का लागी एउटा जेसीवी प्रयोग गरि सडक सरसफाइ गर्ने काम भइरहेको र अन्य वडाका लागी एउटा जेसीवि प्रयोग गरि काम भइरहेको छ भने अव बाँकी ९ नम्बर वडाको केही सडकहरू सरसफाइ गर्ने कामका साथै वडा नम्बर ७ र ८ जोड्ने सडक सरसफाइको काम भइरहेको प्रवक्ता कार्कीले बताउनुभयो ।