खिजिदेम्बामा ह्वील चियरले अपांगताको जीवनशैलीमा परिवर्तन

कार्तिक १४, सोलुखुम्बु । ओखलढुंगाको खिजिदेम्बा गाउँपालिकामा ह्वील चियर पाएका शारीरिक रुपले अपांगता भएका १७ जना व्यक्तिहरुको जीवनशैलीमा परिवर्तन हुने भएको छ ।

ह्वीलचियरले आफूहरुलाई हिँडडुलमा ठूलो सहयोग पुग्ने भन्दै उनीहरुले खुशी व्यक्त गरेका छन् । खिजिदेम्बा गाउँपालिकाका अध्यक्ष गम्बु शर्पाको पहलमा १७ जना अपाङ्गता भएका व्यक्तीलाई ह्वील चियर वितरण गरिएको छ ।

बुधबार गाउँपालिका अध्यक्ष शेर्पाको पहल तथा पिके ट्रेक्स एक्सपीडिसनका अध्यक्ष पेम्बा शेर्पको समन्वयमा ह्वील चियर वितरण गरिएको हो । अत्याधुनिक प्रविधिको ह्वील चियर भएकाले अपाङ्गता भएकाहरुलाई हिँड्डुलमा सहायता पुगेको उहाँले बताउनुभयो । अध्यक्ष शेर्पाले अपांगता भएका व्यक्तिले आफू सबै कुरामा कमजोर छु भन्ने हिनताबोधबाट मुक्त हुनुपर्नेमा जोड दिनुभयो ।

उहाँले अपांगता भएका व्यक्तिप्रति आफू सधैं सकारात्मक रहेको बताउँदै स्वावलम्बी जीवन यापनका लागि नगरपालिकाबाट पूर्ण सहयोग गर्ने प्रतिबद्धता व्यक्त गर्नुभयो । उक्त ह्वील चियर प्रतिगोटा ५० हजार माथि पर्ने गरेको छ ।