केदार माध्यमिक विद्यालयको अक्षयकोषमा एक बर्षमा ३६ लाख संकलन

कार्तिक १४, सोलुखुम्बु । सोलुखुम्बुको नेचासल्यान गाउँपालिका–४ स्थित केदार माध्यमिक विद्यालयको अक्षयकोषमा ३६ लाख रुपैँया रकम संकलन भएको छ ।

विद्यालयले शैक्षिक उन्नयनका लागि “तपाईं हामी सबैको साथ, ३६ महिना ३६ लाख” भन्ने मूल नाराका साथ २०८० साल असोज २७ गतेबाट शुभारम्भ गरेको अक्षयकोष स्थापनार्थ अभियान अन्तर्गत एक वर्षको अवधीमा उक्त रकम संकलन भएको हो ।

कोषमा शिक्षक, विद्यार्थी, अभिभावक तथा शुभेच्छुक लगायत सरोकारवालाहरुले आफ्नो जन्मदिन, वैवाहिक बर्षगाँठका साथै शुभकार्यहरुको सुअवरमा अक्षकोषमा सहयोग गरिएको विद्यालयका सूचना अधिकारी सुवास भण्डारीले जानकारी दिनुभयो ।

उहाँका अनुसार मुद्दती खातामा जम्मा गरिएको रकमको ब्याजको ९० प्रतिशत विद्यालयको शैक्षिक गतिविधिमा खर्च गरिने साथै बाकीँ १० प्रतिशत साँबा रकममै जम्मा गरिने भएको छ । अक्षयकोषमा गर्ने समयमा गरिएको प्रतिबद्धता समय अगावै पूरा भएकाले सहयोगीहरु प्रति विद्यालयले धन्यवाद व्यक्त गरेको छ ।