हिमाल दर्शन माविमा देउसी भैलोबाट ५ लाख बढी रकम संकलन

कार्तिक २०, सोलुखुम्बु । सोलुखुम्बुको हिमाल दर्शन माध्यमिक विद्यालयले देउसी भैलोबाट ५ लाख बढी रकम संकलन गरेको छ । विद्यालयले आयोजना गरेको देउसी भैलो कार्यक्रम मार्फत विद्यालयमा स्वर्ण कोष स्थापनार्थ आयोजित देउसी भैलो कार्यक्रमबाट ५ लाख ९१ हजार ४ सय ४५ रुपैयाँ रकम सङ्कलन भएको हो ।

विद्यालय स्थापनाको ५० औँ वर्ष पुग्दै गरेको अवसरमा स्वर्ण कोष स्थापनाका लागी विभिन्न दाताहरूले गरेको इच्छादान मार्फत उक्त रकम सङ्कलन भएको बिद्यालयले जनाएको छ । स्वर्ण कोषको स्थापनाका लागी आयोजित देउसी भैलो कार्यक्रममा २ लाख ८ हजार १ सय ५० रुपैयाँ स्व.रञ्जे लामा राई स्मृति कोषका दाताहरू सर्वधन राई, राजकुमार राई र प्रशान एलुङ्ग राईले उक्त रकम इच्छादान गर्नुभएको जनाइएको छ ।

यस्तै प्रकाश सिं कार्कीले १ लाख ११ हजार १ सय ११ रुपैँया स्व. सुमित्रा कार्की स्मृति कोषमा इच्छादान गर्नुभएको सहकर्मी धनकुमार ढुगेंलले जानकारी दिनुभयो । उहाँका अनुसार विद्यालयको प्राङ्गणमा थापिएको दानमा स्थानीयहरुले गरेको सहयोगबाट ७० हजार ४ सय ६७ रुपैयाँ सङ्कलन भएको छ ।

यस्तै होम प्रसाद कटेलको घर बेशीँगाउँमा २६ हजार ७ सय रुपैँया, नेचासल्यान गाउँपालिका वडा ४ का वडा अध्यक्ष ईन्द्रबहादुर राईको घरमा थापिएको दानमा ३६ हजार ६ सय ७५ रुपैँया र नेचासल्यान गाउँपालिका वडा नम्बर ५ का वडा अध्यक्ष राजनकुमार राईको घरमा थापिएको दानमा ३४ हजार ५ सय ३५ रुपैँया रकम दान संकलन गरिएको छ ।

यस्तै बिहिबारे बजारको प्राङ्गणमा थापिएको दानमा १ लाख ३ हजार ८ सय १६ रुपैँया संकलन भएको थियो । विद्यालयले लिएको ५० वर्ष ५० संकल्पलाई साकार बनाउनका लागी देउसी भैलो कार्यक्रम आयोजना गरिएको विद्यालयलले जनाएको छ । सम्पूर्ण सहयोयगी दाताहरु प्रति विद्यालयले आभार प्रकट समेत गरेको छ ।