कार्तिक २०, सोलुखुम्बु । सोलुखुम्बुको सोलुदुधकुण्ड नगरपालिका ७ थल्लेरीमा दिउँसो आगलागी भएको छ । आगलागीमा एक घर जलेर नष्ट भएको जिल्ला प्रहरी कार्यालय सोलुखुम्बुले जनाएको छ ।
मंगलबार दिउँसो ३ बजेको समयमा ५६ बर्षिय ङवाङ गिर्नी शेर्पाको ढुगां र सिमेन्टले बनेको टिनको छानो भएको २ तले घरमा आगलागी भएको जिल्ला प्रहरी कार्यालयका प्रहरी प्रमुख एवंम प्रहरी नायव उपरीक्ष द्धारिका प्रसाद घिमिरेले जानकारी दिनुभयो ।
उहाँका अनुसार चुल्होमा बालेको आगोबाट अचानक आगो सल्किदा घर, घर भित्र रहेको लत्ताकपडा, भाडावर्तन, अन्नपात पुर्ण रुपमा जलेर नष्ट भएको हो । आगो नियन्त्रणमा आइसकेको र मानविय तथा पशुचौपायामा भने क्षति नभएको प्रहरीले जनाएको छ ।
Discussion about this post