देउसी भैलोबाट संकलित रकम विद्यालयको खेलकुद तथा संगीत पुर्वधार लागि खर्च गरिने

कार्तिक २१, सोलुखुम्बु । तिहारमा देउसीभैलो खेल्ने प्रचलन छ । देउसी भैलोलाई आजभोलि रमाइलोका लागि मात्र नभई केही उद्देश्य राखी खेल्ने क्रम बढेको छ ।

खोटाङको केही विद्यालयले देउसीभैलोबाट सङ्कलित रकम विद्यालयकै काममा खर्च गर्ने लक्ष्य राखेका छन् । जिल्लाको केपिलासगढि गाउँपालिका वडा नम्बर ५ सप्तेश्वर स्थित थर्पुडाँडा माध्यमिक विद्यालयले देउसी भैलो खेलेर १ लाख १० हजार रुपैँया रकम संकलन गरेको छ ।

विद्यालयले संकलन गरेको रकम खेलकुद तथा संगीत पुर्वधार लागि देउसी भैलो कार्यक्रम आयोजना गरिएको प्रध्यानध्यापक ग्यानु राईले जानकारी दिनुभयो ।

विद्यालयले शिक्षक अभिभावक तथा विद्यार्थी मिलेर संस्कृतिक कार्यक्रम सहित कार्तिक १६ र १७ गते सप्तेश्वरका बिभिन्न टोल टोलमा पुगेर देउसी भैलो खेलेको विद्यालयले जनाएको छ ।