घाइते वृद्धालाइ प्रहरीको सहजिकरणमा काठमाण्डौ पठाइयो 

कार्तिक २४, सोलुखुम्बु । सोलुखुम्बुमा बिरामीलाई उपचारमा लैजान प्रहरी सहजिकरणमा सक्रिय बनेको छ ।  शनिबार सोलुखुम्बुको माप्य दुधकोशी गाउँपालिका वडा नम्बर ५ की ७२ वर्षीय एक बृद्धा लडेर खुट्टामा चोट लागेर काठमाण्डौ जानु पर्ने अवस्था भएपछि उनलाई काठमाण्डौ पठाउन प्रहरीले सहजिकरण गरेको हो ।

 जिल्ला अस्पताल फाप्लुमा उपचार गराइरहेकी तामाङलाई काठमाण्डौ लैजानुपर्ने अवस्था आएपछि अस्पतालबाट विमानस्थल सम्म ल्याउनका लागी प्रहरी टोली गएर ल्याएको थियो ।  उनलाई नेपाल एयरलाइन्सको जहाज मार्फत काठमाण्डौ पठाइएको हो ।  

यस अघि सुत्केरी महिला र बच्चाको पनि प्रहरीकै सहजिकरणमा उपचारका लागी काठमाण्डौ लगिएको थियो ।  पछिल्लो समय जिल्लामा प्रहरीले विभिन्न खाले मानवीय सेवाका गतिविधिमा आफ्नो सक्रियता देखाइरहेको छ ।  

प्रहरी नागरिकको सुरक्षाका लागी भएकाले यसका लागी निरन्तर लागी परिरहेको जिल्ला प्रहरी कार्यालय सोलुखुम्बुका प्रमुख द्वारीका प्रसाद घिमिरेले बताउनुभयो ।  पर्यटकीय क्षेत्रमा अलपत्र परेका पर्यटक, अस्पतालमा रगत अभावमा छटपटाइरहेका विरामी, अप्ठ्यारोमा परेकाहरू सबैलाई सकेको सहजिकरण गरि उद्धार गरिएको उहाँको भनाई छ ।